تۆ زیندویت ، خۆت مه‌خه‌ ڕیزی مردووانه‌وه‌ !

کاتێ په‌روه‌ردگار ئاده‌م (علیه‌ السلام)ی دروست کرد و له‌به‌هه‌شتدا داینا ، بۆ ماوه‌یه‌ک ئاده‌م (علیه‌ السلام) له‌به‌هه‌شتدا به‌ته‌نیا ژیا، به‌ڵام هه‌ستی به‌ بێتاقه‌تی ده‌کرد ، چونکه‌ که‌سێک نه‌بوو له‌ ڕه‌گه‌زه‌که‌ی خۆی که‌ (مرۆڤ)ه‌ له‌گه‌ڵیدا بدوێ و گفتوگۆی له‌گه‌ڵدا بکات ، به‌ویستی په‌روه‌ردگار کاتێک ئاده‌م (علیه‌ السلام) له‌خه‌ودا بوو له‌په‌راسوی ڕاستی حه‌وای دروستکرد ، کاتێک خه‌به‌ری بۆوه‌ ، فه‌رموی تۆ کێیت ؟ وتی من حه‌وام ، حه‌وا : له‌وشه‌ی (حي)ه‌وه‌ هاتووه‌ ، واته‌ زیندوو ، ، ئه‌زانیت تۆی ئافره‌ت په‌روه‌ردگارت له‌به‌شێکی زیندووه‌وه‌ دروستی کردویت ، وه‌کو په‌روه‌ردگار ده‌فه‌رموێت :(سوره‌تی النساء ، ئایه‌تی 1 ).
که‌واته‌ تۆ به‌شێکی زیندویت ، هه‌رگیز خۆت مه‌خه‌ ڕیزی مردووانه‌وه‌ ، ئه‌ی ئاتا ده‌زانیت کاری په‌راسووه‌کان چییه‌ ؟
کارێکی گرنگی په‌راسووه‌کان پاراستنی دڵ و سییه‌کانه‌ ، به‌تایبه‌ت په‌راسوی لای چه‌پ که‌به‌شێکی زۆرگرنگ ده‌پارێزێت ئه‌ویش دڵه‌ ، ئه‌و دڵه‌ی که‌ مایه‌ی ژیانه‌ .
که‌واته‌چییه‌ بۆچی ده‌تبینم دانیشتویت و سه‌رت له‌نێو ئه‌ژنۆت ناوه‌ و ده‌ڵێی من هۆکاری ده‌رده‌سه‌رییه‌کانم ، یاخود کێ پێی وتیت تۆ بۆئه‌وه‌ دروست کراویت که‌هه‌ر خزمه‌تکار بیت ، که‌مێک  هۆش بێنه‌وه‌ بیر خۆت و له‌م ئایه‌ته‌وه‌ (سوره‌تی الروم ، ئایه‌تی 21) که‌واته‌ تۆیت مایه‌ی ئارامی ، ئه‌وه‌تا په‌روردگارت ده‌فه‌رموێت : له‌خۆتان نه‌وه‌ی ئاده‌م ئافره‌تانمان دروست کردووه‌  بۆئه‌وه‌ی ببنه‌ مایه‌ی حه‌سانه‌وه‌و ئارامی و پێکه‌وه‌ ژیان .
ئێستا زانیت چ نرخێکت هه‌یه‌ له‌لای په‌روه‌ردگارت ؟!

ئا/ شازاده‌ شه‌نێ .....