سوودەكانی زیكری خوا!

سوودەكانی زیكری خوا زۆرن لەوانە:

1 ـ شەیتان دەردەكات. 
2 ـ خوای ڕەحمەت فراوان ڕازی دەكات.
3 ـ غەم و پەژارە لادەبات. 
4 ـ فراوانی و خۆشی و شادی دێنێت.
5 ـ ڕوومەت ڕووناك دەكاتەوە.
6 ـ ڕیزق و ڕۆزی دێنێت.
7 ـ خۆشەویستی خوا بۆ بەندە.
8 ـ خۆشەویستی بەندە بۆ خوا، هەروەها هەست كردن بە چاودێری خوا و ناسینی و گەڕانەوە بۆ لای و نزیك بوونەوە لـێ‌ی بەدەست دێنێت.
9 ـ زیكری خوا بۆ كەسی زیكر خوێن بەدەست دێنێت.
10 ـ دڵ دەژێنێتەوە و زیندوو دەكاتەوە.
11 ـ هەست كردن بە دابڕان و نامۆیی نێوان بەندە و پەروەردگاری ناهێڵێت.
12 ـ خراپەكان لادەبات لەسەر خاوەنەكەی.
13 ـ سوود بە خاوەنەكەی دەگەیەنێت لە كاتی تەنگانەكاندا.
14 ـ هۆكارێكە بۆ دابەزینی ئارامی و داگرتنەوەی ڕەحمەت و چواردەورگرتنی فریشتەكان.
15 ـ سەرقاڵت دەكات لە غەیبەت و فیتنەیی و قسەی خراپ و نابەجێ‌.
16 ـ دەتپارێزێت لە پەشیمانی و بێ‌تاقەتی ڕۆژی قیامەت.
17 ـ زیكری خوا لەگەڵ گریاندا بە تەنهایی هۆكارێكە بۆ ئەوەی خوا بەندە بخاتە ژێر سێبەری عەرشی خۆیەوە لە ڕۆژی قیامەتدا. 
18 ـ زیكری خوا پارێزەرە لەوەی كە خوا لەبیر بكەیت. 
19 ـ وە پارێزەرە لە دوو ڕوویی. 
20 ـ زیكری خوا ئاسانترینی عیبادەتەكانە و كەمترین ناڕەحەتی تێدایە، وە لەگەڵ ئەوەشدا پاداشتەكەی بەرامبەر ئازادكردنی كۆیلەیە، وە ئەوەندە پاداشتی بە دوادا دێت كە بەسەر جگە لەودا نییە. 
21 ـ زیكری خوا ڕووەكی چێنراوی بەهەشتە. 
22 ـ دڵا دەوڵەمەند دەكات و پێداویستیەكانی پڕدەكاتەوە. 
23 ـ ویست و بڕیارە پەرتەوازەكانی نێو دڵ كۆدەكاتەوە تێیدا. 
24 ـ وە غەم و پەژارە و خەفەت و بێ‌تاقەتیە كۆبووەكانی سەر دڵ پەرتەوازە دەكات و نایانهێڵێت. 
25 ـ وە ئەو سەرباز و داردەستانەی شەیتان كە كۆبوونەتەوە لەسەر دژایەتی كردنی پەرتەوازە دەكات و دووریان دەخاتەوە لـێ‌ی. 
26 ـ لە ڕۆژی دوایی نزیكت دەكاتەوە و لە دونیا دوورت دەخاتەوە. 
27 ـ زیكر سەری شوكرە، ئەو كەسە شوكری خوای نەكردووە كە زیكری نەكردبێت. 
28 ـ ڕێزدارترین كەس لای خوا ئەو كەسەیە كە بەردەوام زمانی تەڕ بێت بە زیكری خوا. 
29 ـ زیكر دڵ ڕەقی دەتوێنێتەوە. 
30 ـ ستایشی خوا و پاڕانەوەی فریشتەكان مسۆگر دەكات. 
31 ـ هەموو كردەوەكان شەرعیەتیان پێ‌نەدراوە ئیللا لەبەر بەرقەراربوونی زیكر نەبێت. 
32 ـ خوای گەورە شانازی دەكات بە زیكرخوێنەكان بەسەر فریشتەكانەوە. 
33 ـ ناڕەحەتیەكان ئاسان دەكات و مەینەتیەكان سووك دەكات و كارەكان سانا دەكات. 
34 ـ بەرەكەتی كات مسۆگر دەكات. 
35 ـ زیكر كارگەریەكی سەیری هەیە بۆ بەدەستهاتنی ئەمن و ئارامی، چونكە هیچ شتێك نییە سوودی هەبێت بۆ كەسی ترساوی زۆر ترساو وەكو زیكر. 
36 ـ هۆكارێكە بۆ سەركەوتن بەسەر دووژمنانەوە. 
37 ـ هۆكارێكە بۆ بەهێزبوونی دڵ. 
38 ـ شاخەكان و دەشتایەكان شانازی دەكەن و مژدەدەن بەو كەسەی كە زیكریان لەسەر دەكات. 
39 ـ بەردەوام بوون لەسەر زیكر لە ڕێگاوبان و لە نێو ماڵ و لە كاتی نێشتەجێبوون و لە سەفەر و لە هەموو شوێنەكاندا زۆربوونی شایەتەكانی بەندەیە بۆ ڕۆژی قیامەت. 
40 ـ زیكر چێژێكی هەیە لە نێو كردەوەكاندا هیچ چێژێك بەرامبەری نابێتەوە.
[* باشترین زیكر:] 
[(سُبْحَانَ اللَّهِ، وَالْحَمْدُ لِلَّهِ، وَلاَ إِلَهَ إِلاَّ اللَّهُ، وَاللَّهُ أَكْبَرُ).] 
ئەم وشانە باشترین زیكرن لە پاش قورئان، وە ئەمانەش لە قورئانن.
[وە لە زیكرە گەورەكان:] 
* [لاَ حَوْلَ وَلاَ قُوَّةَ إِلاَّ بِاللَّهِ] گەنجینەیەكە لە گەنجینەكانی بەهەشت، كارگەریەكی سەیری هەیە بۆ ڕووبەڕووبوونەوەی ناڕەحەتیەكان و بەرنگاربوونەوەی ناهەمواریەكان و بەدەست خستنی حاڵەت و پلە بەرزەكان.
* [سُبْحَانَ اللَّهِ وَبِحَمْدِهِ] هەركەسێك لە ڕۆژێكدا (100) سەد جار بیڵێت خوا لە تاوانەكانی خۆشدەبێت ئەگەر چی وەكو كەفـی سەر دەریاش بێت. 
* [سُبْحَانَ اللَّهِ وَبِحَمْدِهِ، سُبْحَانَ اللَّهِ الْعَظِيمِ] هەردووكیان دوو وتەی سووكن لەسەر زمان، گران و قورسن لەسەر تەرازووی چاكەكان، خۆشەویستن لە لای خوای ڕەحمەت فراوان.
ـ وە هەروەها: [لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ، لَهُ الْمُلْكُ، وَلَهُ الْحَمْدُ، وَهْوَ عَلَى كُلِّ شَيْءٍ قَدِيرٌ] هەركەسێك لە ڕۆژێكدا (10) دە جار بیڵێت ئەوە وەكو ئەوە وایە كە (4) چوار كەسی ئازاد كردبێت لە كۆیلایەتی لە نەوەكانی پێغەمبەر (إسماعیل)، وە هەركەسێك لە ڕۆژێكدا (100) سەد جار بیڵێت ئەوا (100) سەد چاكەی بۆ دەنووسرێت، وە (100) سەد خراپەی لەسەر لادەبرێت، وە وەكو ئەوە وایە كە (10) دە كۆیلەی ئازاد كردبێت، وە دەبێتە پارێزەر بۆی لە شەیتان لەو ڕۆژەیدا.
* وە كورتەی وتە ئەوەیە: بەڕاستی بەرهەمەكانی زیكر بە زۆری زیكر كردن بەدەست دێن، وە بە ئامادەبوونی واتای ئەوەی كە دەێڵێیت تێیدا، وە بە بەردەوامبوون لەسەر زیكرەكانی بەیانیان و ئێوارن و زیكرە بەندە دیاركراو و ڕاهكان، وە بە وریا بوون لە بیدعە كردن و پێچەوانەكردنی زیكرە شەرعیەكان.
وَصَلَّى اللهُ عَلَى نَبِيِّنَا مُحَمَّدٍ وَعَلَى آلِـهِ وَصَحْبِهِ وَسَلَّمَ