سه‌رپێچیه‌کانى نوێژخوێنان له‌ پۆشاکدا .. (١) به‌ردانه‌وه‌ى پۆشاک:>

  وه‌رگێڕانى : ناصح ئیبراهیم سازانى /  له‌به‌رکردنى جلی شۆڕ ئه‌گه‌ر بۆ فیزو ده‌عیه‌و رۆح زلی بێت ئه‌وه‌ حه‌رامه‌, ئه‌گه‌ر به‌بێ مه‌به‌ست بێت ئه‌وه‌ که‌راهه‌تى هه‌یه‌, بێگومان له‌ نوێژدا زیاترکه‌راهه‌تى هه‌یه‌! .پێغه‌مبه‌رى خوا صلى الله علیه‌ وسلم ده‌فه‌رموێت: (مَنْ أَسْبَلَ إِزَارَهُ فِى صَلاَتِهِ خُيَلاَءَ فَلَيْسَ مِنَ اللَّهِ فِى حِلّ وَلاَ حَرَامٍ) . واته‌: هه‌ر که‌سێک به‌ جلی شۆڕه‌وه‌ نوێژ بکات بۆ فیزو ده‌عیه‌و رۆح زلی ئه‌وه‌ باوه‌ڕى به‌حه‌لآڵ وحه‌رامى خوا نیه‌.    به‌لآم ئه‌گه‌ر بۆ غه‌یری فیزو ده‌عیه‌و رۆح زلی بوو ئه‌وا ده‌فه‌رموێت: (مَا أسْفَل مِنَ الكَعْبَيْنِ مِنَ الإزْاڕ فَفِي النار) . واته‌: ئه‌و جل و به‌رگه‌ى له‌ خوار قوله‌پێوه‌ بێت بۆ فیزو ده‌عیه‌ ئه‌وه‌ جێیه‌که‌ى له‌ناو ئاگرى دۆزه‌خدا ده‌بێت.   زۆر له‌ نوێژخوێنان گاڵته‌یان دێ به‌م کاره‌ هه‌تا کار گه‌یشتۆته‌ ئه‌و راده‌یه‌ که‌ ته‌وبه‌ ناکه‌ن له‌سه‌ر ئه‌م تاوانه‌, به‌ڵکو گاڵته‌ به‌و که‌سانه‌ش ده‌که‌ن که‌ پۆشاکى کورت له‌به‌ر ده‌که‌ن و خۆیان ده‌چوێنن به‌ پێغه‌مبه‌ر صلى الله علیه‌ وسلم.    پێغه‌مبه‌رى خوا صلى الله علیه‌ وسلم ده‌فه‌رموێت: (ثلاثةٌ لا يُكَلِّمُهُمُ اللهُ يَوْمَ القِيَامَةِ، وَلاَ يَنْظُرُ إلَيْهِمْ، وَلاَ يُزَكِّيهِمْ، وَلَهُمْ عَذَابٌ أَلِيمٌ: المُسْبِلُ إزَارَهُ، الْمَنَّانُ الَّذِي لَا يُعْطِي شَيْئًا إِلَّا مَنَّهُ، وَالمُنْفِقُ سِلْعَتَهُ بِالحَلِفِ الفاجر- وفي لفظ آخر بِالحَلِفِ الكاذب) . واته‌: سێ که‌س له‌ رۆژى قیامه‌تدا خوا نایان دوێنێ و روویان تێ ناکات و له‌ تاوان پاکیان ناکاته‌وه‌ و سزاى توندیان بۆ ده‌بێت: که‌سێک جلی شۆڕ له‌به‌ر بکات, وه‌ که‌سێک خێر به‌ هه‌ژارێک بکات و دوایی منه‌تى به‌سه‌ردا بکات و بیداته‌وه‌ به‌ناوچاویدا, که‌سێ شمه‌ک و که‌ل و په‌لى به‌ سوێندی درۆ ساغ بکاته‌وه‌.